ازاي اسطب نسخه ويندوز

**nody gamal** · 02-11-2009 03:09 PM

ممكن اعرف ازاي اسطب نسخه ويندوز

**أباهي الدنيا باسلامي** · 02-11-2009 09:16 PM

ممكن جدا ليه لأ

بس اكتب او اكتبي الخطوات دي في ورقه قبل ما تبدأ عشان ماتنساش
وبعد كده هتبقى عارفها لوحدك

معلش انا هتكلم بصيغة المذكر لأني مش عارف اذا كنت ولد او بنت وبيقولك الرجال قوامون ^^

عشان تسطب ويندوز لازم يبقى عندك اسطوانة فيها نسخة ويندوز وتكون بوتابل
لأن دي الطريقه الأسهل بالنسبه لحد اول مره يسطب ويندوز
طبعا في طرق تانيه من خلال وجود نسخة الويندوز على الجهاز ك سورس والطريقه بتبقى من على الدوس
لكن خلينا في الأسهل دلوقتي

اعملك اسطوانه بوت عليها نسخة الويندوز اكس بي واتبع الخطوات دي

1 - أولا
أدخل اسطوانة الويندوز ثم اعادة التشغيل عند ظهور الشاشة السوداء Boot from CD
press any key إضغط أي زر للإقلاع بعدها

2 - إضغط Enter لتظهر لك نافذة الترخيص

3 - للموافقة إضغط F8 لتظهر لك خيارات التنصيب

4 -
إذا لم تكن تريد عمل بارتشن ( تقسيم ) للهارد ديسك إضغط Enter ثم إنتقل للخطوة رقم على طول
-
لعمل بارتشن أو تقسيم للهارد ديسك يجب أن يكون هناك مساحة فارغة فيجب مسح
بارتشن ليبقى فارغا ثم تقيسمه عند طريق إختيار البارتشن المطلوب في مثالنا
هذا البارتشن C ثم نضغط على D لمسحه سوف تظهر النافذة التالية

5 - إضغط على L لإكمال حذف البارتشن الذي أخترته سوف تظهر النافذة التالية :

6 -
بعد حذف البارتشن أصبح لدينا مساحة فارغة في مثالنا هذا حجمها ( 4095
ميغابايت ) يمكننا تقسيمها حسب متطلباتنا إلى قسمين أو 3 أقسام حسب الحاجة
الآن نضغط على C لعمل البارتشنات المطلوبة في النافذة التالية :

7 - نضع
حجم البارتشن حسب الحاجة مثل أنا عملت أول بارتشن 2000 ميغابايت من الحجم
الكلي ( 4095 ميغابايت ) ليتبقى ( 2095 ) من الحجم الكلي للمساحة الفارغة
لكي أستخدمه في بارتشن آخر الآن بعد وضع الحجم أضغط Enter لتظهر النافذة
التالية :

8 -
الآن يوجد لدينا بارتشن وأيضا مساحة فارغة لعمل بارتشن آخر لأني لم أستهلك
المساحة كلها أضغط C لعمل بارتشن آخر كما في الخطوة رقم ( 6 ) بعدها تظهر
النافذة التالية :

9- الآن
لدينا 2 بارتشن ولم يبقى أي مساحة فارغة لعمل بارتشن آخر لذلك الآن أختار
البارتشن الذي أريد تنصيب ( إعداد ) الوندز XP فيه أنا أخترت C بعدها نضغط
Enter لتظهر النافذة التالية :

10 - في النافذة السابقة عدة خيارات
- الخيار (NTFS (Quick نظام ملفات NTFS سريع .
- الخيار (FAT (Quick نظام ملفات FAT سريع
.
- الخيار NTFS نظام ملفات NTFS .
- الخيار FAT نظام ملفات FAT

ملاحظة : عند عمل NTFS لايمكن إعادته مرة أخرى إلى FAT التي لايمكن عرضها في وندز 98 إلا عن طريق بارتشن ماجيك فأفضل خيار هو FAT
بعد إختيار نظام الملفات إضغط Enter :

11 - بعد إنتهاء الفورمات سوف تظهر نافذه لنسخ الملفات

12 - بعد إنتهاء نسخ الملفات سوف تظهر نافذه يتم فيها اعادة التشغيل

13 - بعد عمل الريستارت سوف تظهر نافذة اكس بي

14 - بعدها سوف تظهر نافذة اكمال الإعدادات

15 - الآن سوف تظهر النافذة التالية لتعديل إعداداتك الخاصة :

16- إختر customize لتعديل دعم اللغة العربية واختر الدعم للغات من اليمين لليسار

17 -
سوف تظهر نافذة لتثبيت ملفات اللغة اضغط ok سوف تظهر

18 -
بعد تثبيت ملفات اللغة إختر الخيار التالي advanced وإختر من القائمة
المنسدلة إسم دولتك ولغتك ثم أشر على كل خيار به Arabic

19 - بعد إختيار جميع العربية اذهب لأول خيار Regional options واختر دولتك في القائمتين المنسدلتين ثم إضغط على ok

20 - سوف تظهر النافذة تريدك كتابة اي اسم سواء اسمك اوي اي اسم اخر

21 - وبعدين هتيجي نافذه تكتب فيها السيريال نمبر اللي المفروض انت تكون كتبته على ورقه عندك قبل عملية التسطيب .. انظر الملحوظه في اخر الموضوع للتوضيح

22_ وبعدين كمل التسطيب عادي هتظهر لك نافذه فيها اسم الكمبيوتر والباسوورد لو كانو مكتوبين اضغط انتر
لو مش مكتوبين اكتبهم انت اي حاجه

23 - عدل إعدادات الوقت والتاريخ والمنطقة الزمنية بالنسبة لغرينتش اختار cairo

24 - إتركه ليكمل الإعداد .

25 - الآن هي الإعدادات النهائية إضغط على زر Next بالأسفل كماهو موضح أدناه

26- إتركه ليكمل الإعداد .

27 - والآن إضغط Skip وذلك من أجل إلغاء التسجيل في مايكروسوفت .

إكتب إسم المستخدم أو إذا كنت تريد كتابة أكثر من مستخدم ولكن يجب أن تكتب 1 على الأقل

29 - الخطوة الأخيرة كن جاهزا وسم بسم الله وإضغط على Finish كالتالي .

مبروك
نحن على سطح الوندز تم الإنتهاء ولكن لاتوجد إلا أيقونة سلة المهملات على
سطح المكتب أين باقي الأيقونات
تقدر تضغط على كلمة start الموجوده اسفل يسار الصفحه هتظهر لك نافذه فيها my computer
اضغط عليها كليك يمين واختار show on disk top

وهتلاقي كمان my document اعمل معاها نفس الخطوه

بعد كده باقي خطوات تسطيب الكروت سواء كارت الصوت او كارت المودم
وده بيبقى سهل كل ماعليك انك تحط اسطوانة التعريف بتاعة كل واحد فيهم وتتبع خطوات التسطيب
وبعد كده يجي دور تسطيب البرامج المهمه
زي البرامج اللي تشغل الصوت زي ريال بلير مثلا
وبرامج الكودك اللي تقدر تشغل من خلالها اي فديو بأي امتداد
والبرامج دي هتلاقيها اكيد عندك في السورس بتاعك

تم الإنتهاء من الدرس بحمد الله

ملحوظه مهمه جدا
احفظ رقم ال cdk اللي هو رقم تسجيل نسخة الويندوز على الاسطوانه من بره قبل ما تسطب
عشان هتستخدمه اثناء التسطيب

ولو عندك اي استفسار ان شاءالله احنا في الخدمه

**nody gamal** · 02-11-2009 11:07 PM

شكرا يا دكتور علي المجهود ده

بس انا مش عارفه ايهcdkده مش مكتوب حاحه مع الاسطوانه خالص

هو انا ينفع اسطب نسخه جديده لو فيه فيروسات علي اللي عندي من غير ماشلها ولا ايه

**أباهي الدنيا باسلامي** · 03-11-2009 02:02 AM

ال cdk ده بيبقى ملف فيه السيريال نمبر بتاع نسخة الويندوز بتاعتك
ممكن يبقى هو ده اسمه وومكن تلاقي اسمه السيريال نمبر عادي
ده على حسب النسخه اللي عندك المهم تدوري على الملف ده وهو عادة بيبقى ملف نوت باد عادي
تفتحيه هتلاقي السيريال نمبر فيه اكتبيه عندك في ورقه عشان لما تيجي تسطبي الويندوز هتستخدميه

وبالنسبه لسؤالك التاني
فعشان تنزلي نسخة ويندوز جديده لازم تعملي فورمات للبارتيشن اللي عليه نسخة الويندوز القديمه
لكن انصحك اذا كنتي شاكه ان جهازك عليه فيروس ومش عارفه مكانه بالظبط
يبقى تعملي الأول سكان بأنتي فيروس سواء من على النت أو تودي الهارد لحد عنده انتي فيروس وعنده اخر ابديت
عشان يشيلك الفيروس من الجهاز وبعد كده ابقي نزلي نسخة ويندوز بالطريقه اللي مكتوبه فوق والطريقه
هتعمل كده كده فورمات للبارتيشن اللي هتختاري تنزلي عليه نسخة الويندوز وعادة الاكس بي بينزل على ال d

يارب اكون قدرت افيدك وأي سؤال احنا موجودين باذن الله

**IHopeIOwn** · 04-01-2010 11:39 AM

بصراحه انا متشكر جدا انا اول لما شوفت الموضوع الجميل ده سجلت في الموقع علي طول انا بس كنت عايز اعرف ازاي اعمل نسخه Ghost من الويندوز بعد لما اسطبه ؟

hemazz · 04-01-2010 12:32 PM

المشاركة الأصلية كتبت بواسطة IHopeIOwn

بصراحه انا متشكر جدا انا اول لما شوفت الموضوع الجميل ده سجلت في الموقع علي طول انا بس كنت عايز اعرف ازاي اعمل نسخه Ghost من الويندوز بعد لما اسطبه ؟

اتفضل ادخل هنا

http://www.dof3tna.net/forum/showthread.php?t=6628

**ايمن مناع** · 24-03-2010 02:06 AM

السلام عليكم ورحمة الله وبركاته طيب انا بعرف اسطب وينوز وسطبط ويندوز xp sp3 س المشكله انو مش بيشغل الفيديوهات والاصوات ده طبعاً بعد مكنت سطبة ويندوز ميديا بليار و وميديا بليار كلسيك و ريل بليار و ديركت اكس 11 و الوين امب اديو وكمان برنامج سى دى بليار
فياريت لو كان فى حاجه نقصه اقلى هيا ايه والايها فين لو سمحت لانى مش عارف اتصرف معا المشكله دى وكمان لقيت برنامج download manger* و pit torrent* هما كمان مش بيتسطبم
بس باى البرامج والاصوات وكل حاجه تانيه شغاله 10/10
اتمنى ان تجيبونى وشكراً

**ايمن مناع** · 24-03-2010 02:09 AM

اتمنى الااجابه فى اسرع وقت لانى محتاج البرامج دى فى اسرع وقت وللعلم البرامج دى كنت شغال بيها ابل كده
وشكراً

**ايمن مناع** · 24-03-2010 12:17 PM

يا اهل الخير ارجو الاجابه

**ايمن مناع** · 24-03-2010 12:29 PM

عايز الحل قبل يوم الخميس 25/3/2010 ارجوكم انا محتاج الكمبيوتر فى برامج الصوت ضرورى ارجوكم

واقول المشكله تانى انا ستبط وينوو xp sp3 . بس المشكله انو مبيشتغلش اي امتداد من امتدادت الفيديو والصوت وده بعد مكنت ستبط *Windows Media Player , RealPlayerSPGold , Winamp AudioPlayer ,Media

وكنت ستبط بردو ديركت اكس مش عارف اعمل ايه بعد كده ممكن اعمله علشان الصوت يشتغل

**mmn** · 24-03-2010 02:06 PM

اخى الفاضل غالبا نوع كارتك هو ريل تك وهذا النوع من كارت الصوت البيلت ان بيعمل كونفلت مع السيرفيس باك ثرى
وانا بحثت لك ووجدت لك هذا الملف
احذف تعريف كارت الصوت عندك وبعدين سطب الملف ده وبعدين سطب تعريف كارت الصوت بتاعك

الملف اهو

http://www.dashken.net/uploads/techn..._AddOn_1.0.zip

I tried it on my Windows XP SP3 system and it worked! Just download the 7z file or zip file below, extract it and then right-click at the ? mark at the Device Manager where your High Definition Audio (HDA) device is located and reinstall the driver by pointing to the folder you extracted the files to. After that's done, install the audio driver for your motherboard. That's it!